मेची-महाकाली अभियान छाडेर अचानक किन काठमाडौं फर्किए ओली ?

मेची-महाकाली अभियान छाडेर अचानक किन काठमाडौं फर्किए ओली ?
बालुवाटारमा प्रधानमन्त्रीसँग ४५ मिनेट वार्ता
काठमाडौं, ३० फागुन । नेकपा एमालेका अध्यक्ष केपी शर्मा ओली मेची महाकाली अभियानअन्तर्गत कपिलवस्तुको जीतपुरमा आयोजित आमसभा छाडेर काठमाडौं फर्किएका छन् ।

आगामी बैशाख ३१ गते तोकिएको स्थानीय निर्वाचनबारे छलफल गर्न प्रधानमन्त्री पुष्पकमल दाहाल प्रचण्डले बोलाएपछि ओली काठमाडौं फर्किएको स्रोतले बतायो । एमाले अध्यक्ष ओली नेपालगञ्जमा आयोजित आमसभामा उपस्थित हुनेछन् ।

बालुवाटारमा प्रधानमन्त्रीसँग ४५ मिनेट भेटवार्ता

यसैबीच मेची–महाकाली अभियानको यात्राको बीचबाटै अकस्मात काठमाडौं फर्किएका एमाले अध्यक्ष ओलीले सोमबार दिउँसो प्रधानमन्त्री प्रचण्डसँग झण्डै ४५ मिनेट वार्ता गरेका छन् । प्रचण्ड र ओलीबीच प्रधानमन्त्री निवास बालुवाटारमा सोमबार भेटवार्ता भएको हो ।

प्रधानमन्त्रीका प्रेस सल्लाहकार गोविन्द आचार्यले प्रचण्ड र ओलीबीच संविधान संशोधन, स्थानीय तहको निर्वाचनलगायत समयसामयिक विषयमा लामो छलफल भएको जानकारी दिए ।

आचार्यका अनुसार प्रधानमन्त्रीले मधेसी र जनजातिका असन्तुष्टि सम्बोधन गर्न सरकारले संविधान संशोधन प्रस्ताव ल्याएको भन्दै सहयोग गर्न ओलीलाई आग्रह गरेका थिए । जवाफमा ओलीले पूरानै अडान दोहोर्याउँदै कुनै हालतमा संविधान संशोधन प्रस्ताव पारित हुन नदिने बताए । तर, निर्वाचनका लागि चाहिने सबै सहयोग गर्न आफू तयार रहेको उनको भनार्इ थियो ।
-Dainik Nepal

Read More

कञ्चनपुरमा भारतीय हस्तक्षेपविरुद्ध लड्दा घाइते भएकाको उपचार खर्च धान्नै गाह्रो

कञ्चनपुर, ३० फागुन । कञ्चनपुरको पुनर्वास नगरपालिका स्थित आनन्दबजारमा भएको घटनामा परी गम्भीर घाइते भएका टिकाराम चापागाईंको अवस्था साविक भन्दा केही सुधार हुँदै गएको छ ।

बेलौरी नगरपालिका वडा नं. ६ शान्तिपुर निवासी टिकाराम चापागाईँ आनन्दबजारमा कल्भर्ट निर्माण देखि सुरु भएको भारतीय हस्तक्षेपको प्रतिरोध गर्दैगर्दा भारतीय एसएसबीको कुटाईमा पर्नुभएको थियो । हतियारसहित आएर धम्क्याएपछी आक्रोशित बनेका जनताले ढुंगामुढा गरेपछि भारतीय एसएसबीको गोलीबाट पुनर्वास नगरपालिका ८ माछापुच्छ्रे टोलका करीब ३० वर्षीय गोविन्द गौतमको मृत्यु भएको थियो भने सोही दिन भारतीय प्रहरीले बन्दुकको नालले टाउको, पिठ्यु, ढाड र खुट्टामा हान्दा चापागाईं गम्भीर घाइते हुनुभएको थियो ।

३३ वर्षीय टिकाराम चापागाईंको नेपालगञ्ज स्थित वेष्टर्न हस्पिटलमा उपचार भइरहेको घाइते चापागाईंको कुरुवा रहनुभएका दिनेश शर्माले बताउनु भएको छ ।

२६ गते विहिबारको उक्त घटनामा परी घाइते हुनुभएका चापागाईंको अवस्थामा केही सुधार आए पनि सामान्य अवस्था तर्फ फर्काउन अझै कम्तीमा चार महिना जति समय लाग्ने अस्पताल श्रोतले बताएको छ । घाइतेको उपचारमा बढी खर्च हुन थालेपछि चापागाईंको परिवारलाई खर्च धान्न गाह्रो भएको छ ।

घाँटीनिरको बायाँ पट्टीको करङ र बायाँ पट्टीको माथिल्लो खुट्टाको हड्डीमा गहिरो चोट तथा शरीर भरी निलडाम रहेको घाइते चापागाईँकी श्रीमती सबिना चापागाईँले बताउनु भयो । उहाँका २ छोरी छन् ।

सामान्य मोबाइल मर्मत पसल सञ्चालन गरी गुजारा चलाउँदै आएका चापागाईँ गम्भीर घाइते भएपछि एकातर्फ परिवारको बिचल्ली भएको छ भने अर्कोतर्फ घाइते टिकाराम चापागाईँको उपचारमा लाग्ने खर्च कसरी जोहो गर्ने भन्ने चिन्ताले परिवारजनमा झन पीडा थपेको छ ।

आफ्नो देशको सीमा रक्षाका लागि भारतीयहरुको ज्यादतीको प्रतिरोध गर्दा घाइते भएका आफ्ना श्रीमानको उपचार खर्च र क्षतिपूर्ती नेपाल सरकारले भरणपोषण गरिदिनु पर्ने घाइते चापागाईँकी श्रीमती सबिना चापागाईँले माग गर्नुभयो ।

उक्त घटनामा भारतीय एसएसबी, प्रहरी र भारतीय स्थानीय नागरीकको आक्रमणबाट घटनास्थल पुगेका ५० भन्दा बढी स्थानीयबासी, आधा दर्जन भन्दाबढी नेपाल प्रहरी र सशस्त्र प्रहरी घाइते भएका थिए । नेपाली बजार आनन्दबजार मै हतियार सहित भित्रिएका भारतीय एसएसबीले नेपाली नम्बरको दुई ओटा मोटरसाइकल तोडफोड गर्नुका साथै दुई वटा घरमा तोडफोड र लुटपाट गरेको स्थानीय पत्रकार हेमन्त न्यौपानेले बताउनुभयो । घरमा भएको दराज, कुर्सी टेबल सबै केही लगेका थिए भने केही सामान तोडफोड गरि छाडेका थिए ।
-dinik nepal

Read More

कुन बार जन्मेको मान्छे कति धनि र कस्तो हुन्छ ? जानी राखौ

आइतबारको दिन सूर्यको हो भने सोमवारको मुख्य ग्रह चन्द्र हो । मंगलवार मंगलको प्रभाव हुन्छ भने बुधवार बुधको । विहीबार वृहस्पति र शुक्रवार शुक्रको प्रभाव सबै भन्दा बढी हुन्छ । शनिवारको कारक ग्रह शनि मानिन्छ ।

ज्योतिषका अनुसार जुन बार जन्मियो त्यो बारको ग्रहको प्रभाव जीवनका सबै पाटामा पर्छ । मान्छेको स्वभाव र भाग्य समेत जन्मबारले निर्धारण गर्ने ज्योतिष शास्त्रीको दावी छ । कस्तो हुन्छ कुन बार जन्मिनको मान्छेको स्वभाव र भाग्य थाहा पाउनुस् ।

आइतबारः
पुरुष
आइतबार जन्मिने मानिस भाग्यशाली हुन्छन् । उनीहरुको आयु पनि लामो हुन्छ । यस्ता ब्यक्ति कम बोल्ने र कला र शिक्षामा अगाडी हुन्छन् । यो बार जन्मिने ब्यक्तिमा धार्मिक आस्था पनि हुन्छ र घर परिवारका सदस्यलाई खुसी राख्न अधिक प्रयास गर्छन् । तर यिनीहरुलाई २० देखि २२ वर्ष सम्म दुःख हुन्छ ।
स्त्री
आइतबार जन्मिने स्त्री दान-पुण्य गर्ने र बलशाली एवं चतुर हुन्छन् ।
सोमबारः
पुरुष
सोमबार जन्मिने ब्यक्तिको बोली मिठो हुन्छ । यस्ता ब्यक्तिको जीवनमा सुख दुख बराबर जस्तै हुन्छ किन भने उनीहरुलाई दुःख सुख उस्तै उस्तै लाग्छ । सोमबार जन्मिने ब्यकेति विद्वान, कला कुशल र बहादुर पनि हुन्छन् । सोमबार जन्मिने ब्यक्तिलाई श्वास प्रश्वासको रोग हुन सक्छ यस्ता ब्यक्तिलाई ९, १२, २७ वर्षमा कष्ट हुन्छ ।
स्त्री
सोमबार जन्म भएका महिला सुन्दर हुन्छन् । यस्ता महिलामा मिठो बोली र शान्ति प्रिय र पुत्रवति हुन्छन् ।
मंगलबारः
पुरुष
मंगलबार जन्म हुने ब्यक्ति सामान्यतया धनी हुन्छन् । यस्ता ब्यक्तिको स्वभाव उग्र हुन्छ । यसै कारण उनीहरुसँग मानिसहरु वेखुसी हुन्छन् । यिनीहरुलाई छाला सम्बन्धी रोग हुन सक्छ । दुख र सुख आउने जाने भैरहन्छ ।
स्त्री
ज्योतिषका अनुसार मंगलवार जन्म भएका स्त्री कठोर हृदयका हुन्छन् यस्ता स्त्रीमा दया माया कम हुन्छ । यस्ता स्त्री दुब्ला पातला र झगडालु समेत हुन्छन् ।
बुधबारः
पुरुष
बुधबार जन्मिने ब्यक्ति धर्मकर्ममा मन भएका हुन्छन् । यिनीहरुको बोलीमा मिठास हुन्छन् । यिनीहरुको ८ र २२ वर्षको उमेरमा कष्ट पाउने योग हुन्छ ।
स्त्री
बुधाबार जन्मिने स्त्री कुनै विशेष क्षेत्रमा रुचि राख्ने र विशेषज्ञता हासिल गर्ने हुन्छतन् । सरस्वतीको विशेष कृपा हुने हुँदा यिनीहरु सुन्दर र शुसील पनि हुन्छन् ।
विहीबारः
पुरुष विहीबार जन्मिने पुरुष विद्वान र पराक्रमी हुन्छन् । यिनीहरुले जीवनमा धेरै उतार चढाव र समस्या झेल्नु पर्ने हुन्छ । तर पनि साहसी हुन्छन् । यिनीहरुसँग संगत हुनेहरु खुसी हुन्छन् । विहीबार जन्मिनेहरुलाई ७, १२, १३, १६ र ३० वर्षमा संकट पर्छ ।
स्त्री
जुन स्त्रीको विहीबार जन्म हुन्छ त्यस्ता महिला उच्च शिक्षा हासिल गर्ने र सर्वगुणी हुन्छन् ।
शुक्रबारः
पुरुष
शुक्रबार जन्मिने ब्यक्ति हँसिलो स्वभावका हुन्छन् । बुद्दीमान र मृदुभाषी यिनीहरुको स्वभाव हो । यिनीहरु सहनशिल पनि हुन्छन् । यिनीहरु शौखिन हुन्छन् र २० र २४ वर्षको उमेरमा कष्ट हुन्छ ।
स्त्री
कुनै पनि स्त्री शुक्रबार जन्मेकी छे भने उसको श्वभाव चंचल हुन्छ । यस्ता स्त्री मस्ती मजाक गर्छन् । परिवार र समाजमा विशेष इज्जत हुन्छ । केही काला रंगका भएपनि सुन्दर हुन्छन् ।
शनिबारः
पुरुष
जुन ब्यक्तिको जन्म शनिबार हुन्छ उनीहरु कृषि ब्यावार वा प्रविधीको क्षेत्रमा रुची राख्छन् । यिनीहरुका लागि बाल्यकाल कष्टपूर्ण हुन सक्छ । भाइ बहिनी वा दाइ दिदीबठ्ठ सन्तुष्टी मिल्दैन । यिनीहरुलाई २० र २५ वा ४५ वर्षमा कष्ट हुन्छ ।
स्त्री
शनिबार जन्मिने स्त्री दुबली पातली हुन्छन् तर अग्ला । सामान्यतया यस्ता स्त्री कालो वर्णका हुन्छन । यस्ता महिला अरुका कुरा काट्ने पनि हुन् सक्छन् ।

भिडियो हेर्न तलको बाकस थिच्नुहोस

Read More

अनारले लाग्नै दिन्नँ यी १० रोग

अनारले लाग्नै दिन्नँ यी १० रोग

– दिनहुँ अनार खानाले रक्त सञ्चालन राम्रोसँग हुन्छ ।
– अनार खाइरहने व्यक्तिलाई स्तन र फोक्सोको क्यान्सर हुने सम्भावना कम हुन्छ ।
– अनार खाइरहने व्यक्तिलाई हृदयाघात र स्ट्रोकको जोखिम कम हुन्छ ।
– अनार आइरनयुक्त भएकाले रक्त अल्पता भएका बिरामीका लागि यो लाभदायक हुन्छ ।
– अनार खाने गर्नाले प्रोस्ट्रेट क्यान्सर लाग्ने जोखिम पनि कम हुन्छ ।
– अनार खानाले पाचन क्षमता बलियो हुन्छ । साथै, नसाहरू पनि सुचारु रहन्छ ।
– बेलाबेलामा अनार खाइरहनेको छाला चम्किलो हुन्छ ।
– अनार खाइरहने व्यक्तिलाई दाँतसम्बन्धी समस्या कम हुन्छ ।
– गर्भवती महिलालाई अनार खान दिने गर्नाले जन्मिने बच्चाको स्वास्थ्य राम्रो हुन जान्छ ।
– बुढ्यौलीमा बिर्सिने समस्या भएकाहरूलाई अनार खान दिए राम्रो हुन्छ ।

swasthyakhabar

Read More

गणेश लामादेखि मिलन चक्रेसम्म दुई एसएसपीको हिटलिस्टमा (कोको छन् सूचीमा ?)

फागुन ३० काठमाडौँ– सिङ्गो उपत्यकाको अपराध अनुसन्धान गर्ने जिम्मा पाएको महानगरीय अपराध महाशाखा र पुलिस युनिफर्ममा सजिएर हरेक सेकेन्ड काठमाडौँको चोकदेखि गल्लीसम्म खटिने काठमाडौँ प्रहरीको मुख्यालय वर्षौंदेखि एकैठाउँमा छ । दुवै निकायमा समान हैसियतका प्रहरी अफिसर (एसएसपी) ले कमान्ड गर्दै आएका छन् ।

कार्यालय एकै ठाउँमा भए पनि समान दर्जाका प्रहरी अफिसरको दरबन्दीका कारण पटक–पटक यी दुई निकायबीच मनमुटाव हुने गरेको थियो । कतिपय समयमा एउटा अपराधी समात्न प्रहरीको दुई टोली पुग्दा कामको जस कसले लिने भन्नेमा मतभेद देखिन्थ्यो ।

एक महिनायता दुवै निकायको नेतृत्व फेरिएको छ । नेतृत्व फेरिएको करिब एक महिनापछि काठमाडौँ प्रहरी प्रमुख (एसएसपी) छविलाल जोशी र महाशाखा प्रमुख (एसएसपी) दिनेश अमात्यले एउटै स्वरमा काठमाडौँका १६१ गुण्डाको सूची बनाएर निगरानी सुरु गरिएको भन्दै पत्रकार सम्मेलन नै गरे ।
यसअघिका काविल प्रहरी अफिसर भनेर चिनिएका रमेश खरेल हुन् या सर्वेन्द्र खनाल दुवैले आफूले मात्र कामको जस लिनेगरी काठमाडौँका गुण्डाहरुमाथि कारवाही गर्ने गरेका थिए । काठमाडौँ परिसरमा विक्रम सिंह थापा हुँदा खनाल महाशाखा प्रमुख थिए । त्यतिबेला एउटै अपराधी समाउन दुई निकायका प्रहरी एकसाथ पुग्ने गरेको किस्सा आजभोलि पनि टेकुका चिया दोकानहरुमा सुन्न पाइन्छ ।

‘हाम्रो उद्देश्य एउटै हो’, महाशाखा प्रमुख (एसएसपी) दिनेश अमात्यले भने, ‘त्यसैले हामीले गुण्डागर्दी लगायतका अपराध नियन्त्रणमा सँगै जाने योजना बनाएका छौँ ।’

महाशाखा र काठमाडौँ प्रहरीले गुण्डाहरुलाई तीन श्रेणीमा वर्गीकरण गरेर हिटलिस्ट तयार पारेको छ । ‘ए’ श्रेणीको सूचीमा पटक–पटक अपराधमा संलग्न भएका गुण्डा नाइकेहरुलाई राखिएको छ । दुई–चार पटक जेलको यात्रा गरेर छुटेपछि पनि गुण्डागर्दी नछाडेकाहरुलाई ‘बी’ र टोले गुण्डाहरुलाई ‘सी’ श्रेणीमा राखिएको महानगरीय प्रहरी परिसरका प्रवक्ता प्रधुम्न कार्कीले जानकारी दिए ।

प्रहरीले वर्गीकरण गरेको ‘ए’ लेभलका गुण्डाहरु

१. मिलन गुरुङ ‘चक्रे’
२. साजन महर्जन
३. तेजेन्द्र गुरुङ
४. राजु गोर्खाली
५. दावा लामा
६.गणेश लामा
७. समिर मानसिंह बस्नेत
८. बाघबहादुर लामा ‘बाघे’
९. सुजन पौडेल ‘रमेश बाहुन’
१०. दीपक मनाङे

प्रहरीले वर्गीकरण गरेको ‘बी’ लेभलका गुण्डाहरु
१. रिनझिन शेर्पा ‘रिङ्की पिङ्की’
२. निराजन पौडेल
३. राजेश महर्जन
४. मानबहादुर तामाङ
५. भीमराज घले
६. शोभित तामाङ
७. राज तामाङ
८. चन्द्र लामा
९. शुरेश महर्जन
१०. तेजेन्द्र रायमाझी
११. निरज लामा
१२. छिरिङ शेर्पा
१३. राजु भण्डारी

सबैभन्दा चम्केका दावा, जेल बसेका ‘बाहुन’ पनि प्रहरीको सूचीमा

पछिल्लो समय काठमाडौँमा सबैभन्दा धेरै चम्केका गुण्डा हुन् काभ्रेली समूहका दावा लामा । ज्यान मार्ने उद्योग, अपहरण र लागू औषधमा जेलजीवन भोगेर निस्केका दावा पछिल्लो समय राजनीतिक संरक्षणमा गुण्डागर्दीमा चम्केको अपराध महाशाखाका एक उच्च अधिकारीले जानकारी दिए । काङ्ग्रेसको संरक्षणमा गुण्डागर्दी गर्दै आएका दावाले केही समयअघि मात्रै दरबारमार्गस्थित क्लब डेजावुका सञ्चालक अर्का गुण्डा नाइको राम गिरीलाई उनकै रेस्टुरेन्टमा पुगेर आक्रमण गरेका थिए ।

केही वर्षअघि पूर्व प्रधान सेनापति छत्रमानसिंह गुरुङका छोरा प्रबलमानसिंह गुरुङलाई समेत कुटपिट गरेका दावालाई काङ्ग्रेस सांसद तीर्थ लामाले संरक्षण गरेको बताइएको छ ।

प्रहरीले जेलमा रहेका ‘रमेश बाहुन’लाई पनि ‘क’ श्रेणीको गुण्डाको सूचीमा राखेर निगरानी गरिएको जानकारी दिएको छ । सुजन पौडेल उर्फ रमेश बाहुन लागू औषध, हातहतियार तथा खरखजाना मुद्दामा हाल केन्द्रीय कारागार जैसिदेवलमा सजाय काटिरहेका छन् ।

यसअघि त्यति नाम नचलेका साजन महर्जनलाई प्रहरीले ‘क’ वर्गको गुण्डाको सूचीमा राखेको छ । साजन गोंगबु क्षेत्रलाई आधार बनाएर गुण्डागर्दीमा संलग्न छन् ।

चक्रे मिनलका सहोदर भाइ तेजेन्द्र गुरुङ पनि राजनीतिक आवरणमा चम्केका गुण्डा हुन् । महाराजगञ्ज क्षेत्रमा सक्रिय तेजेन्द्र तरुण दलको राजनीति गर्नुका साथै खेलकुद क्षेत्रमा पनि सक्रिय छन् ।

आफूलाई रिङ्की पिङ्की शेर्पा भनेर चिनाउने रिनझिन शेर्पा धापासी क्षेत्रका गुण्डा हुन् । प्रहरीले उनलाई ‘बी’ श्रेणीमा राखेर निगरानी गरिहेको छ । ‘बी’ श्रेणीमै रहेका निराजन पौडेल बसुन्धरा क्षेत्रमा, मानबहादुर तामाङ बाँसबारी क्षेत्रमा, भीमराज घले सामाखुसी क्षेत्रमा सक्रिय छन् । शोभित तामाङ नयाँ बसपार्क क्षेत्रमा, राज तामाङ जोरपाटी क्षेत्रमा, चन्द्र लामा पुरानो बानेश्वर, सुरेस महर्जन कीर्तिपुर तथा राजु भण्डारी बालुवाटार क्षेत्रमा सक्रिय रहेको प्रहरीले जनाएको छ ।

‘ए’ लेभलका गुण्डा समिर मानसिंह बस्नेत काठमाडौँ प्रहरीको फरार सूचीमा छन् । बस्नेत काठमाडौँको बाफलका स्थायी बासिन्दा हुन् । इचङ्कुनारायणमा स्थायी बसोबास गर्दै आएका बाघबहादुर लामा ‘बाघे’, कोटेश्वर बस्ने गणेश लामा तथा ठमेल बस्ने दीपक मनाङङ्गेमाथि समेत उच्च निगरानी सुरु गरिएको प्रहरीले जनाएको छ ।

‘गुण्डाहरुको फिङ्गगर प्रिन्ट र फोटो पनि नयाँ लिँदै छौँ’ काठमाडौँ प्रहरी प्रमुख छविलाल जोशीले भने, ‘हाम्रो पुरानो रेकर्डमा भएको फोटो र फिङ्गर प्रिन्ट निकै पुरानो भइसकेको रहेछ, अहिले ३० जना भन्दा बढीको अपग्रेट गरिसकेका छौँ ।’

-Rato Pati

Read More

चैत्र २ गते देखि सेना परिचालन हुने

काठमाडौ, ३० फागुन । मतपत्र छपाईको लागि चैत २ गते बुधबार बाट नेपाली सेना परिचालन हुने भएको छ।

जनक शिक्षा सामग्रीको सेक्युरिटी प्रेसमा छपाई गर्न लागेको मतपत्रको सम्पुर्ण सुरक्षाको लागि नेपाली सेना केन्द्रमा बस्न लागेको हो। बैशाख ३१ गते हुने स्थानीय निकायको निर्वाचनको मतपत्र छपाई गर्ने कार्य नसकुन्जेल सेनाको टोली जनक शिक्षाको छापाखानामै बस्नेछ। स्रोतका अनुसार करिब डेढ सय सेना प्रेस परिसरमा खटिनेछन्।

मतपत्र छपाई र ढुवानी पुरा नहुन्जेलसम्म नेपाली सेना प्रेस भित्रै बस्ने भएको छ। छपाई अवधीभर अन्य कसैलाई पनि परिसर प्रवेशमा रोक लगाइने भएको छ।


निर्वाचन आयोगले २०६४ र २०७० सालमा उपलब्ध गराएको चार र जनक शिक्षा संग रहेको ३ वटा गरी सातवटा प्रेसमा करिब १ करोड ७० लाख हाराहारीमा मतपत्र छपाई गरिने भएको छ। नेपाली सेनाका सहप्रवक्ता महासेनानी रामनाथ ढुंगानाले निर्वाचनकार्यका लागि नेपाली सेना तयार रहेको र निर्वाचन आयोगले बोलाउनासाथ परिचालित हुने जानकारी दिए ।

स्रोतका अनुसार केन्द्रले मतपत्र छपाई गर्न करिब ४ सय टन कागज केन्द्रमा खसाली सकेको छ। निर्वाचन आयोगले शुक्रबार निर्वाचन चिन्ह, रङ लगायतका विषयमा फाइनल गरेपछि छपाई शुरु गर्ने तयारी गरेको छ। केन्द्रले करिब एक महिना १५ दिनभित्र मतपत्र छपाई गर्ने काम पुरा गर्ने गरी तयारी गरिरहेको छ।

केन्द्रले २४ सै घण्टा मेशिन संचालन गरी तोकिएकै समयमा मतपत्र छपाई पुरा गर्ने योजना अघि बढाएको छ।

केन्द्रले मतपत्र छपाई गर्न थालेपछि कक्षा ११ को प्रश्नपत्र छपाईमा समस्या हुने भएपछि राष्ट्रिय परीक्षा बोर्डले कक्षा ११ को परीक्षा तालिका परिर्वतन गरेको थियो । यसअघि बैशाख २४ गतेदेखि तोकिएको परीक्षा निर्वाचन र प्रश्नपत्र छपाइमा ढिलो हुने कारणले सारेको थियो।
YT Nepal

Read More

कपिलवस्तुमा एमाले नेताको होली हंगामा

३० फागुन, कपिलवस्तु । तस्वीरमा देख्न सकिन्छ एमाले उपाध्यक्ष वामदेव गौतमको गलाभरि माला र गलाभरि अबीर सजिएको छ । अर्का नेता शंकर पोखरेल पनि रातै देखिन्छन् । यो दृश्य हो- सोमबार बिहान कपिलवस्तुको । एमाले नेता कार्यकर्ताहरुले मेची महाकाली अभियानकै क्रममा कपिलवस्तुमा रंग खेलेर होली मनाएका छन् ।

एमालेको मेची महाकाली राष्ट्रिय अभियान सोमबार बिहान रुपन्देहीबाट कपिलवस्तु प्रवेश गरेको छ । बिहान बुटवल मण्डपबाट शुरु भएको एमालेको अभियान र्‍याली पूर्व-पश्चिम राजमार्गका विभिन्न बजार र चौराहामा स्वागत ग्रहण गर्दै रामापुरमा पुगेर सभामा परिणत भयो ।

एमालेको लावा लस्कर राजमार्गमा अघि बढ्दा सैनामैना, पर्रोहा, मुर्गिया लगायतका स्थानमा स्थानीय एमाले कार्यकर्ता र समर्थकले सूर्य चिन्ह अंकित झण्डा र राष्ट्रिय झण्डा फहराउँदै स्वागत गरेका थिए । सोमबार तराईमा होली पर्व परेकाले एमालेका अभियन्तालाई स्थानीयले अबीर दलेर अभियानसँगै होली मनाएका छन् ।

एमाले वरिष्ठ नेता माधवकुमार नेपाल कुर्तासुरुवालमा र गम्छामा सजिएर अभियानमा सहभागी भएका छन् । त्यस्तै लालबाबु पण्डित र कृष्णगोपाल श्रेष्ठ पनि मधेसी पहिरनका साथ अभियानमा छन् ।

यसपटकको होली तराई मधेसका जनतासँगै मनाउने पार्टीको निर्णय अनुसार अभियान र होली एकैपटक मनाइएको एमाले सचिव योगेश भट्टराईले बताए ।

कपिलबस्तुको जितपुर र चन्द्रौटाको सभापछि दांगको लमहीमा अभियान पुग्ने कार्यक्रम छ । एमालेको अभियानलाई लक्षित गरेर मधेसी मोर्चाले कपिलवस्तु बन्द आह्वान गरेको छ ।
-onlinekhabar

Read More